खा.मल्लिकार्जुन खरगे यांची उद्या जाहीर सभा, गुरुकुंज मोझरी येथे होणार विरोधकांचे वस्त्रहरण

तिवसा विधानसभा मतदारसंघासाठी महाविकास आघाडी कडून निवडणूक लढवीत असलेल्या लोकनेत्या यशोमती ठाकूर यांच्या प्रचारार्थ अखिल भारतीय काँग्रेस कमिटीचे अध्यक्ष तथा काँग्रेसचे ज्येष्ठ नेते खासदार मल्लिकार्जुन खरगे अमरावती जिल्हा दौऱ्यावर येत आहेत. शनिवार 9 नोव्हेंबर रोजी सायंकाळी 4 वाजता गुरुकुंज मोझरी येथे आयोजित जाहीर सभेमध्ये ते विरोधकांचे वस्त्रहरण करतील.
निवडणुकीतील प्रचाराला आता चांगलाच वेग आला असून जिल्ह्यात दिग्गज नेत्यां च्या विविध ठिकाणी सभा आयोजित करण्यात आले आहेत. लोकनेत्या यशोमती ठाकूर यांच्या प्रचारार्थ काँग्रेसचे नेते मल्लिकार्जुन खरगे हे देखील मैदानात उतरले असून त्यांचे विचार ऐकण्यासाठी हजारो नागरिकांची गर्दी गुरुकुंज मोझरी येथे होणार आहे. मल्लिकार्जुन खरगे यांनी आपल्या ओजस्वी वाणीने केंद्र सरकारला धारेवर धरले आहे. चुकीचे अनेक प्रकरण उजेडात आणून खर्गे यांनी राष्ट्रहितासाठी कार्य केले आहे. केंद्रातील प्रभावी नेतृत्व तिवसा मतदार संघात नागरिकांना संबोधित करायला येत असल्याने त्यांचे विचार ऐकण्यासाठी लोकांची तोबा गर्दी राहणार आहे. यशोमती ठाकूर यांचा देखील कणखर व प्रभावी नेतृत्व म्हणून राज्यात नावलौकिक आहे. यशोमती ठाकूर यांनी केलेला विकास सर्वश्रुत असून त्या विजयाचा चौकार लगावतील असा आशावाद तिवसा मतदार संघातील नागरिकांना आहे. यशोमती ठाकूर यांना मतदारांचा मिळत असलेला उत्स्फूर्त प्रतिसाद लक्षात घेता त्यांच्या विजयामध्ये खर्गे यांची सभा महत्त्वाची ठरेल अशी चर्चा मतदारांनी व्यक्त केली आहे.