महाराष्ट्र विधानसभा मतदानाकरीता 20 नोव्हेंबर रोजी विद्यापीठाला सुट्टी जाहीर

अमरावती (दि. 14.11.2024) –
               महाराष्ट्र विधानसभा सार्वत्रिक निवडणूक – 2024 चा कार्यक्रम जाहीर झाला असून, निवडणुकीमध्ये मतदारांना मतदानाचा हक्क बजावता यावा, याकरीता शासनाने परिपत्रकान्वये मतदानाच्या दिवशी सुट्टी देण्याबाबत कळविले आहे. त्यानुसार दि. 20 नोव्हेंबर, 2024 रोजी सर्व विधानसभा मतदार संघाची निवडणूक होणार असल्याने विद्यापीठातील शिक्षक, अधिकारी, कर्मचारी व विद्यार्थी यांना मतदानाचा हक्क बजावता यावा म्हणून दि. 20.11.2024 रोजी सुट्टी जाहीर करण्यात येत आहे. त्यामुळे सदर दिवशी अमरावती विद्यापीठातील सर्व शैक्षणिक व प्रशासकीय विभाग बंद राहतील, याची नोंद घ्यावी, असे आवाहन कुलसचिव डॉ. अविनाश असनारे यांनी केले आहे.