मुख्यमंत्री देवाभाऊंच्या टीममध्ये कोण-कोण ? फडणवीस सरकारमध्ये अनेक नवे चेहरे, पाहा संपूर्ण यादी
मुंबई :- महायुती सरकारचा मंत्रिमंडळ विस्तार आज पार पडणार आहे. नागपुरातील राजभवन येथे सायंकाळी ४ वाजता हा शपथविधी सोहळा पार पडेल. त्यासाठी नागपुरात संपूर्ण तयारी करण्यात आली आहे. यावेळी महायुतीचे ३९ मंत्री शपथ घेणार आहेत. यामध्ये भाजपकडून १९ आमदार शपथ घेणार आहेत. भाजपकडून १९ आमदारांना मंत्रिपदासाठी फोन करण्यात आला आहे. भाजपचे प्रदेशाध्यक्ष चेंद्रशेखर बावनकुळे यांनी स्वत: भाजपच्या आमदारांना फोन करत याबाबतची माहिती देत, शपथविधीसाठी तयार राहण्यास सांगितलं आहे.
शिवसेनेचे ११ मंत्री शपथ घेतील, राष्ट्रवादीचे ९ आमदार मंत्रिमंडळात
तर शिवसेनेकडून ११ आमदारांनी मंत्रिपदासाठी फोन गेला असल्याची माहिती आहे. राष्ट्रवादीचे ९ मंत्री शपथ घेतील अशी शक्यता होती. मात्र अद्याप राष्ट्रवादी अजित पवार गटाकडून फक्त आठ नाव समोर आली आहेत. उर्वरित एका मंत्र्याच्या नावाची घोषणा अद्याप बाकी आहे.
मंत्रिमंडळ विस्ताराच्या फॉर्म्युल्यानुसार, भाजपकडे २० मंत्रिपद आली आहेत. त्यापैकी देवेंद्र फडणवीस यांनी मुख्यमंत्रिपदाची शपथ आधीच घेतली आहे. त्यामुळे आज भाजपचे १९ मंत्री मंत्रिपदाची शपथ घेतील. तर, शिवसेना शिंदे गटाला १२ मंत्रिपदं देण्यात आली आहे. आज ११ मंत्री हे शपथ ग्रहण करतील. त्याशिवाय, अजितदादांच्या पक्षाला ९ मंत्रिपदं मिळाली आहेत.
भाजपचे १९ आमदार घेणार शपथ
- चंद्रशेखर बावनकुळे
- गिरीश महाजन
- मंगलप्रभात लोढा
- मेघना बोर्डीकर
- पंकजा मुंडे
- नितेश राणे
- शिवेंद्रराजे भोसले
- चंद्रकांत पाटील
- पंकज भोयर
- जयकुमार रावल
- राधाकृष्ण विखे पाटील
- गणेश नाईक
- अतुल सावे
- जयकुमार गोरे
- माधुरी मिसाळ
- संजय सावकारे
- अशोक उईके
- आकाश फुंडकर
- आशिष शेलार
राष्ट्रवादीकडून कोण घेणार शपथ ?
- धनंजय मुंडे
- आदिती तटकरे
- हसन मुश्रीफ
- बाबासाहेब पाटील
- दत्तमामा भरणे
- नरहरी झिरवाळ
- मकरंद पाटील
- इंद्रनील नाईक
शिवसेनेचे कोणते आमदार मंत्रिपदी ?
- उदय सांमत
- प्रताप सरनाईक
- भरतशेठ गोगावले
- शंभूराज देसाई
- गुलाबराव पाटील
- संजय राठोड
- संजय शिरसाट
- योगश कदम
- आशिष जैस्वाल
- प्रकाश आबिटकर
- दादा भूसे
