नागपूर :- वर्किंग जर्नालिस्ट युनियन महाराष्ट्र नागपूरच्या वतीने बुधवार, 18 डिसेंबर रोजी सकाळी 10:00 वाजता पत्रकारांचा धडक मोर्चा नागपूर विधानसभेवर काढण्यात आला. या मोर्चात पत्रकारांनी अनेक महत्त्वाच्या मागण्या मांडल्या आणि सरकारला चेतावणी दिली. पत्रकारांवर होणारे खोटे आरोप, चौकशी न करता होणारी पोलिस तक्रार, तसेच निष्पक्ष चौकशीची मागणी करणारा हा मोर्चा यशवंत स्टेडियमवरून सुरू झाला आणि विधानसभेकडे पुढे गेला. यावेळी पत्रकारांनी पत्रकारांच्या अधिकारांचे रक्षण करण्यासाठी कठोर निर्णय घेण्याची मागणी केली. तसेच, पत्रकारांच्या कुटुंबीयांसाठी सरकारी रुग्णालयांमध्ये स्वतंत्र वॉर्ड उपलब्ध करावा, अशीही मागणी मोर्चात करण्यात आली. पत्रकारांचा मोर्चा विविध घोषणांसह पार पडला, आणि त्यांच्या आवाजाला ऐकून घेतल्याशिवाय पुन्हा चिघळणार नसल्याचे स्पष्ट करण्यात आले. या दरम्यान पत्रकार संघटनेच्या पदाधिकाऱ्यांनी पत्रकारांच्या हक्कांची सशक्त रक्षण आणि सुरक्षिततेसाठी सरकारी स्तरावर आवश्यक उपाययोजना करण्याची आवश्यकता व्यक्त केली.
