मौलानाकडून १३ वर्षीय विद्यार्थ्यावर अत्याचार, अमरावतीची घटना, पोलिसांनी घेतले ताब्यात

 मदरशात शिक्षण घेणाऱ्या एका  विद्यार्थ्यांचे हातपाय बांधून त्याच्या सोबत अश्लील प्रकार करण्यात आल्याची खळबळजनक घटना अमरावती शहरातील एका मदरसा मध्ये घडली, पीडित मुलाच्या तक्रारी वरून पोलिसांनी लगेच गुन्हा दाखल करून मौलाना ला नेर येथून ताब्यात घेतले. मौलाना ला न्यायालयात हजर केले असता त्याला १० जानेवारी पर्यत पोलीस कोठडी सुनावली आहे, घडलेल्या घटनेवरून आता मदरशात शिक्षण घेणाऱ्या विद्यार्थ्यांच्या सुरक्षेवर प्रश्नचिन्ह निर्माण झाले आहे. 
      धार्मिक शिक्षण घेण्याकरिता अमरावती शहरातील एका मदरसा मध्ये आलेल्या  तेरा वर्षीय पीडित अल्पवयीन मुलासोबत तेथीलच मौलानाने लैंगिक अत्याचार केल्याची घटना दोन जानेवारीच्या रात्री घडली. पीडित अल्पवयीन मुलाने सर्व प्रकार पालकांना सांगितल्यानंतर पालकांनी तात्काळ सिटी कोतवाली पोलीस स्टेशन येथे धाव घेतली. मौलाना विरुद्ध तक्रार दाखल केली असता पोलिसांनी कलम 4, 6, 8,12, पोक्सो अंतर्गत गुन्हे दाखल केले. पोलीस स्टेशन येथे दाखल केलेल्या तक्रारी नुसार दोन जानेवारीच्या रात्री मदरसा मधील मौलानाने डाळ फेकण्यासाठी पीडित मुलाला खोलीत बोलावले. मुलगा घरात आला असता मौलालाने दार बंद करून मुलाचे हातपाय बांधून तोंडात रुमाल टाकून पीडित मुलावर लैंगिक अत्याचार केला अशी तक्रार केल्याने पोलिसांनी मौलानाविरुद्ध गुन्हे दाखल केले. त्याच रात्री मौलाना नेर परसोपंत येथे सुरू असलेल्या धार्मिक कार्यक्रमात निघून गेला. सिटी कोतवाली डीबी पोलीस मोलानाच्या शोधात नेर परसोपंत या गावाकडे रवाना झाले. पोलिसांनी  मौलानाला ताब्यात घेऊन अमरावती कडे रवाना झाले. यात पोलिसांनी लैंगिक अत्याचार करणाऱ्या मौलानाला न्यायालयात हजर केले असता, न्यायालयाने त्यांला 10 जानेवारीपर्यंत पोलीस कोठडी सुनावली आहेत. या घटनेने मात्र अमरावती शहरात मोठी खळबळ उडाली आहेत. 
     कुठेही आणि  कोणत्याही शिक्षण संस्था सह इतर ठिकाणी  शिक्षण घेणाऱ्या विदयार्थ्यांना पालकांचा त्या शिक्षका वर मोठा विश्वास असतो मात्र त्याच शिक्षकाने विद्यार्थ्यां सोबत वाईट प्रकार केला तर पालक कोणावर विस्वास करेल अशाच अमरावती शहरातील एका मदरसा मध्ये धार्मिक शिक्षण देणाऱ्या मौलाना ने विद्यार्थ्यांसोबत अश्लील प्रकार केल्याने आता मोठा प्रश्न निर्माण झाला आहे. पालकाने मोठी हिंमत करून घडलेल्या घटनेची पोलिसात तक्रार केली.