“मुख्यमंत्री फडणवीस यांच्या हस्ते सायबर गुन्ह्यांतून बळी पडलेल्या तक्रारदारांना ₹४.३० कोटी परत; ९१ आरोपींना अटक”

मुख्यमंत्री देवेंद्र फडणवीस यांच्या हस्ते पिंपरी-चिंचवड येथे, विविध प्रकारच्या सायबर गुन्ह्यांमध्ये बळी पडलेल्या तक्रारदारांना आरोपींकडून हस्तगत करण्यात आलेली रक्कम प्रातिनिधिक स्वरुपात धनादेशाद्वारे परत करण्यात आली. यावेळी तक्रारदार योगेश निलग यांना ₹२२ लाख ५० हजार इतकी तर स्वप्ना विभुते यांना ₹१९ लाख इतकी हस्तगत केलेली रक्कम परत करण्यात आली. जानेवारी २०२४ ते जानेवारी २०२५ दरम्यान, ३५ सायबर गुन्ह्यांमध्ये फसवणूक झालेल्या तक्रारदारांना, ₹४ कोटी ३० लाख रक्कम परत मिळवून देण्यात, पिंपरी-चिंचवड सायबर गुन्हे शाखेला यश मिळाले. या कारवाईदरम्यान ९१ आरोपींना अटक करण्यात आली.