अमरावती :- अमरावती महानगरपालिकेच्या हलगर्जीपणाला प्रहार जनशक्ती पक्षाने चोख प्रत्युत्तर दिलं आहे! शहरातील अत्याधुनिक सार्वजनिक शौचालये अडीच वर्षांपासून धुळखात पडली होती,पण महानगरपालिका जागी झाली नाही! अखेर प्रहारच्या कार्यकर्त्यांनी कुलूप तोडत बँडबाजासह शौचालय सुरू केलं!इतकंच नाही, तर लाडक्या बहिणीच्या हस्ते फीत कापून उद्घाटन करण्यात आलं! आज आपण या धडाकेबाज आंदोलनाचा सविस्तर आढावा घेऊया!
अमरावती महानगरपालिकेने ३ कोटी रुपये खर्च करून शहरात अत्याधुनिक सार्वजनिक शौचालये उभारली. छत्री तलाव, जिल्हाधिकारी कार्यालय चौक आणि वेलकम पॉईंट परिसरात ही शौचालये बांधण्यात आली. परंतु, महानगरपालिकेने ती सुरूच केली नाहीत! यामुळे महिला प्रवाशांना प्रचंड त्रास सहन करावा लागत होता. याबाबत प्रहार जनशक्ती पक्षाने वारंवार निवेदने दिली, परंतु महानगरपालिका प्रशासनाने दखल घेतली नाही! अखेर सोमवारी प्रहारच्या कार्यकर्त्यांनी थेट शौचालयांचे कुलूप तोडून उद्घाटन करून टाकलं! यावेळी बँडबाजाच्या गजरात घोषणाबाजी करण्यात आली. या आंदोलनात प्रहारचे बंटी रामटेके, वसू महाराज, जितू दुधाने, बेलोरा उपसरपंच अतुल सिंघनं आणि अनेक कार्यकर्ते सहभागी झाले हो .
महानगरपालिकेच्या निष्क्रियतेला प्रहारच्या आंदोलनाने मोठा धक्का दिला आहे! महिला आणि नागरिकांच्या समस्यांकडे दुर्लक्ष करणाऱ्या प्रशासनाला हे आंदोलन जाग आणेल का? हे बंद शौचालय पुन्हा कुलूपबंद होणार की खऱ्या अर्थाने सुरू राहणार? यावर आता मनपा प्रशासनाची पुढील भूमिका काय असेल, हे पाहणं महत्त्वाचं ठरेल. अधिक अपडेट्ससाठी आम्ही तुम्हाला सतत माहिती देत राहू!
