नागपूर शहरातील सोनेगाव पोलिसांनी मोटरसायकल आणि कॉपर वायर चोरीचा गुन्हा उघडकीस आणत आरोपीस अटक केली आहे.

नागपूर :- नागपूर शहरातील मोटरसायकल आणि कॉपर वायर चोरीच्या गुन्ह्याचा पर्दाफाश! सोनेगाव पोलिसांनी प्रभावी कारवाई करत आरोपीस गजाआड केले आहे. नागपूर शहरात वाहन चोरी आणि धातू चोरीचे प्रमाण वाढत असताना सोनेगाव पोलिसांनी तातडीने कारवाई करून चोरीच्या प्रकरणाचा पर्दाफाश केला आहे. आरोपी नीरज प्रभाकर उईके (वय 26, रा. नागपूर) याच्याकडून होंडा अ‍ॅक्टिवा आणि जळालेल्या अवस्थेतील तांब्याची वायर असा एकूण 55,000 रुपयांचा मुद्देमाल जप्त करण्यात आला. हा गुन्हा नागपूर शहरासह वर्धा जिल्ह्यातील चोरीच्या घटनांशी संबंधित असून, पोलीस अधिक तपास करत आहेत. नागपूर पोलिसांची वेगवान कारवाई आणि तपास पथकाचे कौतुक होत आहे.