अकोला :- आज महाशिवरात्रीनिमित्त अकोला शहर भक्तिरसात न्हालंय! राजराजेश्वर मंदिरात पहाटेपासूनच भाविकांची अलोट गर्दी पाहायला मिळत आहे. ‘हर हर महादेव’ च्या जयघोषात संपूर्ण शहर शिवमय झालं आहे.
अकोलामधील सुप्रसिद्ध राजराजेश्वर मंदिरात महाशिवरात्रि मोठ्या भक्तिभावाने साजरी करण्यात आली. पहाटे ४ वाजल्यापासूनच भाविक रांगा लावून महादेवाचे दर्शन घेण्यासाठी आतुर दिसले. मंदिरात ‘हर हर महादेव’च्या जयघोषात भक्तिमय वातावरण निर्माण झाले होते.
मंदिर प्रशासनाने विशेष सजावट केली होती आणि विविध धार्मिक कार्यक्रमांचे आयोजन करण्यात आले होते. यामध्ये महादेवाची भव्य बारात, जागरण, गंगा आरती आणि भंडाऱ्याचा समावेश होता.
शहरातील नागरिक आणि प्रशासनाने एकत्र येत या उत्सवाला यशस्वी करण्यासाठी मोठा सहभाग घेतला. भाविकांची वाढती गर्दी पाहून पोलिसांनी चोख सुरक्षा व्यवस्था तैनात केली होती. मंदिराच्या आसपास रस्ते ब्लॉक करून गर्दीचे नियोजन करण्यात आले होते.
भाविकांनीही मोठ्या श्रद्धेने सहभागी होत हा सोहळा अविस्मरणीय बनवला. महिला, पुरुष आणि लहान मुलांनी महादेवाच्या बारातीत हजेरी लावली आणि संपूर्ण वातावरण भक्तिरसात न्हालं.
महाशिवरात्रिच्या या पवित्र दिवशी संपूर्ण अकोला शहर शिवमय झालं आहे. भाविकांच्या उत्साहाला उधाण आलंय आणि मंदिर परिसरात आध्यात्मिक ऊर्जा अनुभवायला मिळत आहे. City News कडून सर्वांना महाशिवरात्रिच्या हार्दिक शुभेच्छा! पुढच्या अपडेट्ससाठी पाहत राहा City News.
