विद्यापीठात वुमेन्स स्टडीज सेंटरच्यावतीने ‘महिला सक्षमीकरण आणि लैंगिक समानता’ विषयावर
अमरावती :- प्रधानमंत्री उच्चतर शिक्षा अभियान (पीएम-उषा) अंतर्गत संत गाडगे बाबा अमरावती विद्यापीठातील वुमेन्स स्टडीज सेंटरच्यावतीने दि. 10 मार्च, 2025 रोजी ‘महिला सक्षमीकरण आणि लैंगिक समानता’ या विषयावर एकदिवसीय राष्ट्रीय कार्यशाळेचे आयोजन विद्यापीठ परिसरातील दृकश्राव्य सभागृहात करण्यात आले आहे.
सकाळी 10.30 वाजता नोंदणी सुरु होईल. सकाळी 11.30 वाजता नवी दिल्ली येथील राष्ट्रीय महिला आयोग सल्लागार समितीच्या माजी सदस्य डॉ. मनिषा कोठेकर यांचे शुभहस्ते उद्घाटन संपन्न होणार असून उद्घाटन सत्राचे अध्यक्षस्थान विद्यापीठाचे कुलगुरू डॉ. मिलींद बारहाते भूषवतील.
पहिल्या सत्रात अमळनेर, जळगांवचे प्रशिक्षक सौ. दर्शना पवार ‘लिंग समानता : संकल्पना, स्थिती आणि आव्हाने’ या विषयावर, तर दुसया सत्रात ‘महिला सक्षमीकरण : संकल्पना, स्थिती आणि आव्हाने’ या विषयावर मार्गदर्शन करतील. तिसया सत्रात ‘लिंग समानता : नियोजन, धोरण आणि अंमलबजावणी’ या विषयावर महाराष्ट्र राज्याच्या मागासवर्गीय आयोगाचे सदस्य डॉ. अंबादास मोहिते मार्गदर्शन करतील.
दुपारी 5.00 वाजता समारोपीय सत्र संपन्न होईल. सत्राचे अध्यक्षस्थान विद्यापीठाचे प्र-कुलगुरू डॉ. महेंद्र ढोरे भूषविणार असून प्रमुख अतिथी म्हणून गृहविज्ञान विभागप्रमुख डॉ. वैशाली धनविजय उपस्थित राहतील. त्यांनतर मान्यवरांचे हस्ते प्रमाणपत्राचे वाटप करण्यात येणार आहे.
तरी सदर एकदिवसीय राष्ट्रीय कार्यशाळेला सर्वांनी उपस्थित रहावे, असे आवाहन विद्यापीठाचे कुलसचिव डॉ. अविनाश असनारे, कार्यशाळेच्या समन्वयक तथा वुमेन्स स्टडीज सेंटरच्या संचालक डॉ. वैशाली गुडधे व सहसमन्वयक डॉ. भगवान फाळके यांनी केले आहे.
