अर्धापूर नगराध्यक्षपदी वैशालीताई देशमुख यांची बिनविरोध निवड | अशोक चव्हाण समर्थकांचा जल्लोष
नांदेड :- नांदेड जिल्ह्यातील अर्धापूर नगरपंचायतीच्या नगराध्यक्ष पदासाठी सौ. वैशालीताई प्रवीण देशमुख यांची बिनविरोध निवड करण्यात आली आहे. माजी मुख्यमंत्री तथा राज्यसभेचे खासदार अशोकराव चव्हाण यांच्या नेतृत्वाखाली ही निवडणूक प्रक्रिया पार पडली. या निवडीमुळे अर्धापूर नगरपंचायतीत चव्हाण समर्थकांचा वर्चस्व सिद्ध झाले आहे.
अर्धापूर नगरपंचायतीच्या नगराध्यक्ष पदाची निवड प्रक्रिया आज पार पडली. यामध्ये सौ. वैशालीताई प्रवीण देशमुख यांची बिनविरोध निवड झाली आहे. निवडणूक निर्णय अधिकारी यांच्या हस्ते या निवडीची अधिकृत घोषणा करण्यात आली. माजी मुख्यमंत्री अशोक चव्हाण यांचे कट्टर समर्थक असलेल्या वैशालीताई देशमुख यांनी नेहमीच सामान्य जनतेच्या अडीअडचणी सोडवण्यासाठी पुढाकार घेतला आहे. त्यांच्या सामाजिक कार्याची दखल घेत अशोक चव्हाण यांनी त्यांच्या नावाची शिफारस केली.
नगराध्यक्ष पदाची निवड जाहीर झाल्यानंतर समर्थकांनी आनंद व्यक्त केला. निवडीच्या कार्यक्रमाला मोठ्या संख्येने नागरिक, पदाधिकारी आणि कार्यकर्ते उपस्थित होते. नवनिर्वाचित नगराध्यक्ष यांच्या सत्कारासाठी तालुक्यातील विविध गावांचे सरपंचही उपस्थित होते. यावेळी नगराध्यक्ष पदाचा कार्यभार अधिक तत्परतेने सांभाळण्याचा निर्धार वैशालीताईंनी व्यक्त केला. माझ्यावर टाकलेल्या विश्वासाबद्दल मी पक्षश्रेष्ठी आणि माजी मुख्यमंत्री अशोक चव्हाण यांचे आभार मानतो. नगरपरिषद क्षेत्राच्या सर्वांगीण विकासासाठी आम्ही पूर्ण प्रयत्न करू.
अर्धापूर नगरपंचायतीच्या नगराध्यक्ष पदावर सौ. वैशालीताई प्रवीण देशमुख विराजमान झाल्याने त्यांच्या समर्थकांमध्ये आनंदाचे वातावरण आहे. विकासाचा ध्यास घेऊन त्या कार्यरत राहतील, अशी अपेक्षा व्यक्त होत आहे.
