अमरावती :- ऍड. नितीन आनंदराव इंगळे यांचा वाढदिवस वकील संघाच्या वतीने जिल्हा सत्र न्यायालयात साजरा करण्यात आला. यावेळी, वकील संघाला एक लाख 34 हजार रुपयांची भेट देण्यात आली आहे, तसेच डॉ. बाबासाहेब आंबेडकर यांच्या 134 व्या जयंतीनिमित्त विविध कार्यक्रमांचे आयोजन करण्यात आले आहे.
आज ऍड. नितीन आनंदराव इंगळे यांचा वाढदिवस जिल्हा सत्र न्यायालयात वकील संघाच्या वतीने मोठ्या उत्साहात साजरा करण्यात आला. या विशेष प्रसंगी, ऍड. इंगळे यांनी डॉ. बाबासाहेब आंबेडकर यांच्या 134 व्या जयंतीनिमित्त वकील संघाला एक लाख 34 हजार रुपये भेट दिले. त्यांनी वकील संघाच्या प्रगतीसाठी ही भेट दिली असून, संघाच्या कामकाजासाठी आर्थिक सहाय्य करण्यात येत असल्याचे यावेळी सांगितले.
वकील संघाच्या वतीने त्यांना पुष्पगुच्छ देऊन शुभेच्छा देण्यात आल्या. यावेळी अनेक मान्यवर वकील आणि अधिकारी उपस्थित होते, ज्यामध्ये ऍड. प्रशांत देशपांडे, ऍड. सुनील देशमुख, ऍड. विश्वास काळे, ऍड. चंद्रसेन गुडसुंदरे, ऍड. मांगेल्य निर्मळ, ऍड. विक्रम सरवटकर, ऍड. सारिका ठाकरे, ऍड. सोनाली महात्मे, ऍड. के. दवे, आणि ऍड. शुभम कांबळे यांचा समावेश होता.
