म्हैसांग-अकोला रस्त्यावर भीषण अपघात, दुचाकीस्वार गंभीर जखमी

अकोला :- महाराष्ट्रातील अकोला जिल्ह्यातील म्हैसांग-अकोला रस्त्यावर एक भीषण अपघात झाला आहे. स्वप्नील रेस्टॉरंटजवळ एमएच 27 डीएस 6525 आणि एमएच 30 1396 एल या गाड्यांची जोरदार धडक झाली. दुचाकीस्वार गंभीर जखमी असून, त्याला अकोला सर्वोपचार रुग्णालयात दाखल करण्यात आले.

18 मार्चच्या रात्री ही दुर्घटना घडली, ज्यामध्ये दुचाकीस्वार हेल्मेटशिवाय होता, त्यामुळे त्याच्या डोक्यावर आणि तोंडावर गंभीर दुखापत झाली. स्थानिक नागरिकांनी तातडीने रुग्णालयात दाखल केले आणि पोलिसांना माहिती दिली. बोरगाव मंजू पोलिसांनी घटनास्थळी पोहोचून पंचनामा केला आणि वाहतूक सुरळीत केली.

अद्याप अपघाताचे नेमके कारण स्पष्ट झालेले नाही, पण पोलिसांनी तपास सुरू केला आहे. जिल्ह्यात अपघातांचा वाढता आलेख गंभीर चिंता व्यक्त करत आहे. अधिक अपडेटसाठी पाहत रहा सिटी न्यूज