अमरावती :- 23 मार्च हा दिवस शहीद दिन म्हणून विद्यापीठात पाळण्यात आला. याप्रसंगी भारतीय स्वातंत्र्य युध्दातील योध्दा तसेच थोर क्रांतीकारक भगतसिंह, राजगुरू व सुखदेव यांचा शहीद दिन विद्यापीठात संपन्न झाला. याप्रसंगी कुलसचिव डॉ. अविनाश असनारे यांनी शहीद भगतसिंग, राजगुरू व सुखदेव यांच्या प्रतिमेचे पूजन व पुष्पार्पण करून विद्यापीठाच्यावतीने अभिवादन केले. संचालन तसेच शहीद भगतसिंह, राजगुरू व सुखदेव यांच्याबद्दल विद्यापीठाचे जनसंपर्क अधिकारी डॉ. विलास नांदुरकर यांनी माहिती दिली. शहीद दिन कार्यक्रमाला विद्यापीठातील अधिकारी व कर्मचारी उपस्थित होते.
