संजय राठोड यांच्या हस्ते ‘गाळमुक्त धरण, गाळयुक्त शिवार’ योजनेच्या राज्यस्तरीय पोर्टलचे उद्घाटन
यवतमाळ :- मृद आणि जलसंधारण मंत्री संजय राठोड यांच्या हस्ते राज्यस्तरीय पोर्टल ‘गाळमुक्त धरण, गाळयुक्त शिवार’ योजनेचे उद्घाटन करण्यात आले. या पोर्टलच्या माध्यमातून, राज्यभरातील मृद आणि जलसंधारण योजनांची माहिती एकाच ठिकाणी उपलब्ध होणार आहे.
पालकमंत्री संजय राठोड यांनी उद्घाटनाच्या वेळी सांगितले की माती आणि पाणी हे मानवी जीवनासाठी अत्यंत महत्त्वाचे घटक आहेत. सुपिक माती नसेल तर अन्न उत्पादन होणार नाही आणि पाणी नसेल तर पृथ्वीतलावर जीवन असू शकणार नाही. या अनुषंगाने, ‘गाळमुक्त धरण, गाळयुक्त शिवार’ आणि ‘नाला खोलीकरण व रुंदीकरण’ या योजनांच्या प्रभावी अंमलबजावणीसाठी आजचा दिवस एक ऐतिहासिक टप्पा ठरला आहे.
यवतमाळ जिल्ह्यात ऑनलाईन पद्धतीने पोर्टलचे उद्घाटन करतांना संजय राठोड यांनी माती आणि पाण्याच्या संवर्धनासाठी पुढाकार घेतले. या योजनांच्या माध्यमातून जलसंधारणाची कार्यवाही राज्यभर प्रभावी होईल. या महत्त्वपूर्ण टप्प्यामुळे एकत्रितपणे अधिक जागरूकता निर्माण होईल आणि जलस्रोतांचे योग्य रक्षण केले जाईल. यासोबतच, भारतीय जैन संघटना आणि शासनाच्या समन्वयामुळे हे पोर्टल सर्वांसाठी उपयुक्त ठरेल. आपल्या राज्यातील जलसंपदा आणि मातीच्या रक्षणासाठी हे एक महत्त्वपूर्ण पाऊल आहे.
