गौड ब्राह्मण महिला मंडळाचा भव्य गणगौर उत्सव | अंबामाता आणि एकवीरा माता मंदिरात महाआरती
अमरावती :- गौड ब्राह्मण महिला मंडळाच्या वतीने गणगौर उत्सवाचा भव्य कार्यक्रम आयोजित करण्यात आला. श्रद्धा, भक्ती आणि संस्कृतीचा संगम असलेल्या या उत्सवात समाजातील महिलांनी मोठ्या भक्तिभावाने महाआरती केली आणि संपूर्ण विश्वासाठी मंगलकामना केली.
जाणून घेऊया या विशेष कार्यक्रमाची सविस्तर माहिती :
गौड ब्राह्मण महिला मंडळाच्या अध्यक्षा मनीषा दीक्षित यांच्या नेतृत्वाखाली अंबामाता आणि एकवीरा माता मंदिरात महाआरती करण्यात आली. समाजातील महिलांनी मोठ्या संख्येने उपस्थित राहून भक्तीभावाने पूजा केली. महिलांनी देवीला लाल-चुनरी अर्पण केली आणि संपूर्ण जगासाठी सुख-समृद्धीची प्रार्थना केली. हा भक्तीमय क्षण उपस्थित सर्वांच्या मनाला भिडला.
यानंतर समाजबांधवांनी गौरक्षण संस्थानात जाऊन भगवान कृष्णजी आणि गौमातेची पूजा केली. गायींना चारा आणि ढेप खाऊ घालून आशीर्वाद घेतला. या कार्यक्रमाच्या यशस्वी आयोजनात मनीषा दीक्षित यांच्यासोबत सीमा चौबे, तारा जोशी, सरोज पुरोहित, रंजना महर्षी, पुष्पा मानका आणि इतर महिलांनी मोलाचे योगदान दिले. नवयुवती मंडळाच्या अध्यक्षा मर्यादा शर्मा, सुनीता मानका, शिल्पा जोशी, सरिता पुरोहित आणि त्यांच्या सहकाऱ्यांनी देखील या कार्यक्रमात सक्रिय सहभाग घेतला. गौड ब्राह्मण सभेचे अध्यक्ष नितेश पांडेय, श्याम दीक्षित, विरेंद्र शर्मा, हर्ष शर्मा यांच्यासह अनेक समाजबांधवांनी देवीची पूजा करून आशीर्वाद घेतला.
तर हे होते गौड ब्राह्मण समाजाच्या भव्य गणगौर उत्सवाचे विशेष दर्शन. समाजातील एकता, भक्ती आणि सांस्कृतिक वारसा याचे दर्शन या कार्यक्रमातून घडले.अशाच प्रकारच्या आणखी बातम्यांसाठी सबस्क्राईब करा City News ला.
