अकोला: पडीक शेतात भीषण आग – अग्निशमन दलाच्या तत्परतेने टळला मोठा अनर्थ
अकोला :- अकोला जिल्ह्यात बोरगाव मंजू पोलिस स्टेशनच्या हद्दीतील वाशिबा गावाजवळ एक भीषण आग लागल्याची घटना घडली आहे. अग्निशमन दलाच्या जवानांनी वेळीच धाव घेत मोठा अनर्थ टाळला आहे.
सविस्तर पाहूया ही संपूर्ण घटना :
वाशिबा गावाजवळील पडीक शेतात अचानक भीषण आग लागली. भरतीया गोडावूनच्या जवळ असलेल्या जंगल भागात ही आग वेगाने पसरली. हवा आणि कोरड्या गवतामुळे आगीने काही वेळातच संपूर्ण परिसराला वेढलं. आग लागल्याचं समजताच स्थानीय नागरिकांनी तातडीने अग्निशमन दल आणि पोलिसांना माहिती दिली.
अकोला अग्निशमन दलाचे जवान घटनास्थळी पोहोचले आणि अथक प्रयत्नांनंतर आग आटोक्यात आणली. त्यांच्या वेगवान कारवाईमुळे मोठा अनर्थ टळला. बोरगाव मंजू पोलिस स्टेशनचे उपनिरीक्षक निलेश चाटे, संजय भारसाकडे, अमोल मोरे आणि त्यांची टीम घटनास्थळी दाखल झाली. सुरक्षेसाठी त्यांनी नागरिकांना सुरक्षित ठिकाणी हलवलं.
सध्या आगीचं नेमकं कारण स्पष्ट झालेलं नाही. पोलिसांनी घटनेचा सखोल तपास सुरू केला आहे. या दुर्घटनेत सुदैवाने कोणतीही जीवितहानी झाली नाही, मात्र परिसरातील झाडेझुडपे आणि वनसंपत्तीचं नुकसान झालं आहे.
