अमरावती: नववर्षाच्या स्वागतासाठी अमरावती शहर काँग्रेस कमिटीने काँग्रेस भवन समोर गुढी उभारली. गुढीपाडवा सोहळ्याला शेकडो काँग्रेस पदाधिकारी आणि कार्यकर्त्यांनी हजेरी लावली. पारंपरिक पद्धतीने गुढी पूजन करून नवीन वर्षाचे स्वागत करण्यात आले.
उत्साहात पार पडला गुढी पूजन सोहळा
या सोहळ्याला माजी मंत्री ऍड. यशोमती ठाकूर, माजी आमदार डॉ. सुनील देशमुख, शहर काँग्रेस अध्यक्ष बबलू शेखावत, माजी महापौर विलास इंगोले, महाराष्ट्र प्रदेश काँग्रेस कमिटीचे उपाध्यक्ष भैय्याजी पवार आणि महिला काँग्रेस अध्यक्षा जयश्री वानखडे उपस्थित होते.
एकजुटीचा निर्धार
काँग्रेस नेत्यांनी यावेळी जुन्या गोष्टी मागे टाकून एकजुटीने जनसेवेसाठी सज्ज होण्याचा निर्धार व्यक्त केला. अमरावती शहर काँग्रेसला राज्यात सर्वोच्च स्थानावर नेण्याचं उद्दिष्ट काँग्रेस पदाधिकाऱ्यांनी ठेवले आहे.
नव्या जोमाने कार्यरत होण्याचा संकल्प
गुढीपाडव्याच्या शुभमुहूर्तावर काँग्रेस भवन समोर उभारलेली गुढी जनतेला नवा उत्साह आणि प्रेरणा देईल, अशी आशा व्यक्त करण्यात आली. सोहळ्याला उपस्थित नागरिकांनी आनंदाने सहभाग घेतला.
