कोल्हापूरकरांनो सावध व्हा! शवगृहातील बर्फ लस्सीत, आरोग्याशी धोका
कोल्हापुरात शीतपेयांमध्ये मृतदेहावरील बर्फाचा वापर: संतप्त नागरिकांचा कारवाईचा आग्रह
कोल्हापूर: कडाक्याच्या उन्हात शीतपेयांचा आनंद घेणाऱ्या नागरिकांसाठी एक धक्कादायक घटना समोर आली आहे. कोल्हापुरात एका शीतपेय विक्रेत्याने चक्क मृतदेहांवर वापरलेला बर्फ शीतपेय तयार करण्यासाठी वापरल्याचा किळसवाणा प्रकार उघडकीस आला आहे.
कसा उघडकीस आला प्रकार?
छत्रपती प्रमिलाराजे सर्वोचार रुग्णालयातील शववाहिन्यांमधून फेकून दिलेल्या बर्फाचा वापर रस्त्यावरील शीतपेय विक्रेता पाणी, ताक आणि मठ्ठ्यामध्ये करत होता. काही जागरूक नागरिकांनी याबाबत लक्ष दिल्यानंतर या विक्रेत्याला रंगेहात पकडण्यात आले. संतप्त नागरिकांनी त्याला चोप दिला आणि तातडीने पोलिसांना बोलावले.
सामाजिक कार्यकर्त्यांची तक्रार
शनिवारी या घटनेची माहिती मिळताच सामाजिक कार्यकर्त्यांनी घटनास्थळी धाव घेतली. त्यांनी सदर हातगाडीवाल्याविरुद्ध कडक कारवाई करण्याची मागणी केली आहे. नागरिकांमध्ये या प्रकारामुळे प्रचंड संताप आहे.
आरोग्य विभागाची कारवाई अपेक्षित
या प्रकरणानंतर आरोग्य विभागानेही लक्ष घालण्याची गरज निर्माण झाली आहे. नागरिकांच्या आरोग्याशी खेळणाऱ्या अशा प्रकारांना आळा घालण्यासाठी कठोर पावले उचलण्याची मागणी केली जात आहे.
नागरिकांना सतर्क राहण्याचे आवाहन
सर्वसामान्य नागरिकांनी अशा घटनांबाबत सतर्क राहावे आणि शुद्ध अन्न व पेयपदार्थांची खात्री करूनच त्यांचा सेवन करावा, असे आवाहन आरोग्य तज्ज्ञांनी केले आहे.
अधिकृत तपासानंतर या प्रकरणात दोषींवर कठोर कारवाई होण्याची शक्यता आहे.
अधिक अपडेट्ससाठी आमच्या वेबसाईटवर नजर ठेवा.
