LIVE STREAM

AmravatiLatest News

वडाळीतील पहाटेची खळबळजनक घटना – दोन दुचाकी वाहनांना आग, विधिसंघर्षित बालक ताब्यात!

अमरावती: शनिवारी पहाटे ४ वाजताच्या सुमारास वडाळी येथील इंद्रशेष बाबा मंदिर परिसरात एक धक्कादायक घटना घडली, ज्यामुळे संपूर्ण परिसरात भीतीचं वातावरण निर्माण झालं आहे.

कुत्र्यांच्या भुंकण्याने झोपमोड… आणि अचानक आग!
सदर घटनेची सुरुवात गल्लीतील कुत्र्यांच्या जोरदार भुंकण्याने झाली. झोपेतून अचानक उठलेल्या नागरिकांनी खिडकीतून बाहेर पाहिलं आणि आगीत होरपळणाऱ्या दोन दुचाकी गाड्यांचं भयावह दृश्य पाहून धाव घेतली. नागरिकांनी तात्काळ आग विझवण्याचा प्रयत्न केला.

पोलिसांची तत्काळ प्रतिक्रिया – सीसीटीव्ही फुटेज तपासलं
घटनेची माहिती मिळताच फ्रेजरपुरा पोलीस स्टेशनचे उपनिरीक्षक सोनुने पथकासह घटनास्थळी दाखल झाले.
पोलिसांनी परिसरातील सीसीटीव्ही फुटेज तपासून तपासाची चक्रं फिरवली. याच चौकशीतून एक विधिसंघर्षित बालक पोलिसांच्या ताब्यात आलं आहे.

भीतीचं वातावरण – नागरिकांनी केली सुरक्षा मागणी
या घटनेनंतर गल्लीतील काही दुचाकीधारकांनी पोलिसांत धाव घेत, परिसरात अधिक सुरक्षा पुरवण्याची मागणी केली आहे.
स्थानिकांमध्ये भीतीचं आणि संभ्रमाचं वातावरण आहे. या घटनेमागील खरं कारण अद्याप स्पष्ट झालेलं नाही.

पुढील तपास सुरू
सध्या उपनिरीक्षक सोनुने प्रकरणाचा सखोल तपास करत असून, या घटनेच्या मुळाशी जाण्याचा प्रयत्न सुरू आहे. पोलिसांकडून अधिकृत माहिती येईपर्यंत स्थानिकांनी शांतता आणि संयम बाळगावा, असे आवाहन करण्यात आले आहे.

Show More

Related Articles

Leave a Reply

Your email address will not be published. Required fields are marked *

Back to top button
error: Content is protected !!