अमरावती : अमरावती जिल्ह्यातील लेहगावजवळ आज एक भीषण अपघात घडला असून, मारुती ओमनी (MH27 BV 7312) आणि दुचाकी यांच्यात झालेल्या जोरदार धडकेत दुचाकीचालक गंभीर जखमी झाला आहे. सदर जखमीवर PDMC हॉस्पिटल, अमरावती येथे उपचार सुरू आहेत.
प्राथमिक माहितीनुसार, अपघात इतका जबर होता की दुचाकीस्वार दूरपर्यंत फेकला गेला. घटनेनंतर स्थानिक ग्रामस्थांनी तत्काळ घटनास्थळी धाव घेत पोलीस यंत्रणेला माहिती दिली.
पोलिसांनी तात्काळ घटनास्थळी दाखल होऊन जखमींना रुग्णालयात हलवले असून, अपघाताची सखोल चौकशी सुरू करण्यात आली आहे.
सध्या अपघाताच्या नेमक्या कारणाचा तपास सुरू असून, वाहतूक निष्काळजीपणा, वेगमर्यादा उल्लंघन किंवा रस्ता अडथळे याची शक्यता नाकारता येत नाही.
