नवी मुंबईत पोलीस उपनिरीक्षकाची विकृत कृती – महिला पोलीसवर अत्याचार

Navi Mumbai Crime : महाराष्ट्रात एक धक्कादायक घटना घडली आहे. पोलीस उपनिरीक्षकाने पोलीस महिलेसह धक्कादायक कृत्य केले आहे. या पोलिस उपनिरीक्षकाने या महिलेवर लैंगिक अत्याचार करत तिचे नग्न फोटो देखील काढले. या प्रकरणी पोलिस उपनिकीक्षकासह त्याच्या आईवर देखील गुन्हा दाखल करण्यात आला आहे.

नवी मुंबईतील पनवेलमध्ये महिला पोलीस कर्मचारीला गुंगीचे औषधं देऊन तिच्यावर लैंगिक अत्याचार आणि जातीवाचक शिवीगाळ केल्याप्रकारणी पोलीस उपनिरीक्षका विरोधात गुन्हा दाखल करण्यात आलाय. 2020 साली नेरे येथे महिला पोलीसवर गुंगीचे औषधं टाकून लैंगिक अत्याचार करुन अर्धनग्न फोटो देखील काढून ठेवण्यात आले होते. सदर फोटो वायरल करण्याची धमकी देत तसेच लग्नाचे आमिष दाखवत मागील पाच वर्षांपासून आरोपी पोलीस उपनिरीक्षक जबरदस्तीने लैंगिक अत्याचार करत होता. याप्रकरणी आरोपी पोलीस उपनिरीक्षक कृष्णा कुटे आणि त्याची आई इंदुबाई कुटे यांच्यावर गुन्हा दाखल करण्यात आला आहे.