उमरखेड : उमरखेड नगर परिषदेमार्फत दिव्यांग नागरिकांसाठी दरवर्षी पाच टक्के निधी वितरित करण्याचे शासनाचे निर्देश असले तरी प्रत्यक्षात हा निधी वेळेवर मिळत नसल्याने संतप्त दिव्यांग बांधवांनी आज तीव्र आंदोलनाचा मार्ग स्वीकारला. विशेष म्हणजे, आज अचानक पडलेल्या मुसळधार पावसातही त्यांनी आपले आंदोलन थांबवले नाही. ओलेचिंब होत, रस्त्यावर लोटांगण घालत त्यांनी आपल्या हक्कासाठी आवाज बुलंद केला.
लाजिरवाणं चित्र:
नगर परिषदेसमोर अंध, अपंग, वयोवृद्ध दिव्यांग बांधव पावसात भिजत प्रशासनासमोर आपल्या व्यथा मांडत होते. “आमच्या हक्काचा निधी आम्हाला मिळालाच पाहिजे,” अशी आर्त हाक त्यांनी दिली. मात्र, प्रशासनाकडून कोणतीही ठोस प्रतिक्रिया न मिळाल्याने दिव्यांगांचे दु:ख अधिक गहिरे झाले आहे.
दुर्लक्ष करणाऱ्या यंत्रणांवर टीका:
दिव्यांगांना मिळणारा निधी वेळेवर देण्यात प्रशासन अपयशी ठरत असल्याचा आरोप आंदोलकांनी केला. “बिगरगठ्ठ प्रशासन आमच्या समस्या दुर्लक्षित करत आहे,” असेही त्यांनी सांगितले. अनेक वर्षांपासून हा निधी वेळेवर दिला जात नसल्याने दिव्यांग बांधवांचे जगणे अवघड झाले आहे.
मागण्या:
- पाच टक्के निधी त्वरित वितरित करावा
- वर्षानुवर्षे प्रलंबित मागण्या मान्य कराव्यात
- दिव्यांगांसाठी स्वतंत्र समिती गठित करून थेट प्रशासनाशी संवाद साधावा
प्रशासनाची भूमिका:
या आंदोलनावर अद्याप नगर परिषदेकडून अधिकृत प्रतिक्रिया मिळालेली नाही. मात्र, पावसातही आपला लढा न सोडणाऱ्या दिव्यांग बांधवांच्या आंदोलनाने प्रशासनाची झोप उडवली आहे.
शेवटी:
