मुख्यमंत्री देवेंद्र फडणवीस यांच्या हस्ते ‘मुंबई पुढचे पाऊल…’ पुस्तकाचे प्रकाशन | एक्सप्रेस अड्डा कार्यक्रमात विचारमंथन

मुंबई : मुख्यमंत्री देवेंद्र फडणवीस यांनी ‘एक्सप्रेस अड्डा’ या विशेष बौद्धिक संवादाच्या मंचावर ‘मुंबई पुढचे पाऊल…’ या पुस्तकाचे प्रकाशन केले. या प्रकाशन सोहळ्याला ‘द इंडियन एक्सप्रेस’ समूहाचे कार्यकारी संपादक अनंत गोएंका आणि नॅशनल ओपिनियन एडिटर वंदिता मिश्रा हे मान्यवर देखील उपस्थित होते.

या कार्यक्रमात मुंबईच्या भविष्यातील विकासदृष्टिकोन, शाश्वततेची गरज, पायाभूत सुविधांचा विस्तार आणि स्मार्ट सिटी संकल्पना यावर विचारमंथन करण्यात आले. मुख्यमंत्री फडणवीस यांनी पुस्तकाच्या निमित्ताने मुंबईसाठी सुरू असलेल्या विविध योजनांवर भाष्य करताना सांगितले की,

“मुंबई ही केवळ भारताची आर्थिक राजधानी नाही, तर तिचे भविष्य सुसंगत नियोजनावर अवलंबून आहे. या पुस्तकामधून ‘मुंबईचे उद्याचे चित्र’ स्पष्टपणे मांडले गेले आहे.”