🥋 आराध्या महल्लेची राष्ट्रीय कराटे स्पर्धेसाठी निवड!

परतवाडा – स्थानिक परतवाडा येथील महाराष्ट्र वादो-काई कराटे असोसिएशन मधील विद्यार्थिनी कु. आराध्या सागर महल्ले हिची राष्ट्रीय कराटे स्पर्धेसाठी निवड झाली आहे.

ही स्पर्धा दिनांक 11 ते 15 जून 2025 दरम्यान, देहरादून (उत्तराखंड) येथे आयोजित करण्यात आली आहे. आराध्याची निवड 14 वर्षांखालील वयोगटात महाराष्ट्र संघात करण्यात आली असून तिच्या या उल्लेखनीय यशामुळे अचलपूर तालुक्याचे नाव राज्यभरात उजळले आहे.

पुणे येथे नुकतीच पार पडलेल्या राज्यस्तरीय कराटे स्पर्धेत प्रभावी कामगिरी करत आराध्याने राष्ट्रीय स्पर्धेसाठी आपले स्थान निश्चित केले.

आराध्याने आपल्या या यशाचे श्रेय प्रशिक्षक श्री. मंगेश प्रभाकरराव गायकवाड यांना दिले आहे.

तिच्या निवडीबद्दल सहाय्यक प्रशिक्षक वेदांत डाहे, यज्ञेश लोखंडे, अनुज वाकोडे, तसेच महाराष्ट्र सचिव संदीप गाडे, योगेश गायकवाड, अमोल वर्धे, साकी बेग, अर्जुन घुगे, नितीन गोहोत्रे आदींनी तिचे मनःपूर्वक अभिनंदन केले आहे.

ही निवड अचलपूर तालुक्यासाठी गौरवाची बाब मानली जात असून तिच्या आगामी राष्ट्रीय स्पर्धेतील कामगिरीसाठी सर्वत्र शुभेच्छांचा वर्षाव होत आहे.