🧹 अमरावती मनपाची स्वच्छतेसाठी धडाकेबाज मोहीम

अमरावती : अमरावती महानगरपालिकेत कचरा उचलण्याची कार्यवाही नियमितपणे सुरू आहे. शहराच्या विविध भागांत कचरा गोळा करण्यासाठी ट्रक आणि डम्पर वापरले जातात. सदर कचरा उचलून कंपोस्ट डेपोवर नेऊन त्याचे व्यवस्थापन केले जाते. दिनांक १० जुन,२०२५ रोजी मनपा पुर्व झोन क्र.३ अंतर्गत ऑक्सिजन पार्क व दस्‍तुरनगर परिसरातील कचरा उचलण्‍याची कार्यवाही करण्‍यात आली.
सदर परिसरात फिरून कामगारांना ठिकठिकाणी साफसफाई करण्याचे निर्देश पुर्व झोनचे सहाय्यक आयुक्‍त दिपीका गायकवाड यांनी दिले. रस्त्यावरील साफसफाई झाल्यानंतर दुकाने उघडतात त्यानंतर दुकानदार झाडलोट करून तो कचरा पुन्हा रस्त्यावर आणून टाकतात याबाबत संबंधितांना समज देवून वारंवार अशा गोष्टी निदर्शनास आल्यास तात्काळ कारवाई करून दंड आकारणी करण्याचे निर्देश देण्यात आले.