येऊ घातलेल्या विधानसभा निवडणुकीत मतदानाची टक्केवारी वाढावी तसेच अमरावती शहरातील प्रत्येक परिसरात मतदारांमध्ये मतदानाबाबत जागृती व्हावी या उद्देशाने उपक्रम राबविण्यात येत असून नक्कीच मनपा उर्दू हायस्कूल ,मनपा उर्दू उच्च प्राथमिक शाळा क्रमांक ०८ यांच्या संयुक्त विद्यमाने शाळेतील परिसरात मतदान जनजागृती रॅली काढण्यात आली.
यावेळी स्वीप विभागाचे सहाय्यक कार्यक्रमाधिकारी तथा शिक्षणाधिकारी डॉक्टर प्रकाश मेश्राम, शाळा निरीक्षक योगेश पखाले , शाळेचे मुख्याध्यापक युसुफ खान तसेच हायस्कूलचे मुख्याध्यापक श्री सईद सर,क्रीडा निरीक्षक प्रवीण ठाकरे, स्वीप विभागातील सदस्य उज्वल जाधव, सुमेश वानखडे, योगेश राणे हे प्रामुख्याने उपस्थित होते. जनजागृती रॅली दरम्यान शाळेतील विद्यार्थ्यांना व उपस्थित पालकांना मतदानाबाबत शपथ सुद्धा देण्यात आली तसेच मनपा हिंदी शाळा क्रं.१२ नागपुरी गेट या शाळेने सुद्धा शाळेच्या परिसरातील गर्दी असणाऱ्या चौकाचौकातून तसेच गल्लीगल्लीतून मतदान जागृती रॅली काढून मतदान करणे का गरजेचे आहे याबद्दल मतदारांमध्ये जागृती करण्यात आली.
