अकोला : केंद्रीय भूतल परिवहन मंत्री नितीन गडकरी यांचे आज सकाळी ९.४० वाजता अकोला जिल्ह्यातील शिवनी विमानतळावर आगमन झाले. या वेळी स्थानिक प्रशासन आणि राजकीय प्रतिनिधींनी त्यांचे जंगी स्वागत केले.
गडकरी यांच्या स्वागतासाठी खासदार आणि आमदार तसेच वरिष्ठ प्रशासकीय अधिकारी विमानतळावर उपस्थित होते. आमदार रणधीर सावरकर, आमदार प्रकाश भारसाकळे आणि आमदार वसंत खंडेलवाल यांनी गडकरी यांचे पुष्पगुच्छ देऊन स्वागत केले.
प्रशासनाच्यावतीने जिल्हाधिकारी अजित कुंभार, जिल्हा पोलिस अधीक्षक बच्चन सिंह आणि राष्ट्रीय महामार्ग प्राधिकरणाचे प्रकल्प संचालक बी. एस. साळुंखे यांनी गडकरी यांचे स्वागत केले. उपविभागीय अधिकारी डॉ. शरद जावळे, तहसीलदार सुरेश कव्हळे तसेच विविध शासकीय विभागांचे अधिकारी यावेळी उपस्थित होते.
नितीन गडकरी यांचा अकोला जिल्ह्यातील विविध विकास प्रकल्पांचा आढावा घेण्याचा आणि काही महत्त्वपूर्ण बैठकींमध्ये सहभागी होण्याचा कार्यक्रम आहे.
