पश्चिम विभाग आंतर विद्यापीठ लॉन टेनिस (पुरुष) स्पर्धेकरीता विद्यापीठाची चमू घोषित
अमरावती (दि. 30.10.2024)- आय.टी.एम. विद्यापीठ, ग्वालियर येथे 07 ते 11 नोव्हेंबर, 2024 दरम्यान होणा-या पश्चिम विभाग आंतर विद्यापीठ लॉन टेनिस (पुरुष) स्पर्धेकरीता संत गाडगे बाबा अमरावती विद्यापीठ संघाची चमू घोषित करण्यात आली आहे.
चमूमध्ये जी.एस. विज्ञान, कला व वाणिज्य महाविद्यालय, खामगांवचा हितेश दसमलानी, डिग्री कॉलेज ऑफ फिजिकल एज्युकेशन, अमरावतीचा प्रॉमित बोरडोलोई, साहिल फरहाज व अनुज सिंगरोल, बी.आर. कला एन.ही. वाणिज्य व बी.पी. महाविद्यालय, दिग्रसचा विवेक मस्के, शासकीय विदर्भ ज्ञान विज्ञान संस्था, अमरावतीचा तन्मय खरतडे आणि डॉ. पंजाबराव देशमुख विधी महाविद्यालय, अमरावतीचा यश अलोणे यांचा समावेश आहे. निवड झालेल्या सर्व खेळाडूंचे कुलगुरू डॉ. मिलींद बारहाते, प्र-कुलगुरू डॉ. महेंद्र ढोरे व कुलसचिव डॉ. अविनाश असनारे यांनी अभिनंदन केले आहे.
चमूचा प्रशिक्षण वर्ग अॅडव्हॉन्स टेनिस अॅकेडमिक, बापू कॉलनी, दिपनगर नं. 1, किड्स केअर स्कुल जवळ, अमरावती येथे दि. 04 ते 05 नोव्हेंबर दरम्यान होणार आहे. प्रशिक्षण वर्गाला सर्व खेळाडूंनी उपस्थित रहावे, असे आवाहन क्रीडा व शारीरिक शिक्षण मंडळाच्या संचालक डॉ. तनुजा राऊत यांनी केले आहे. अधिक माहितीसाठी त्यांचेशी संपर्क साधता येईल.
