अकोला : अकोला शहरातील वसंत देसाई स्टेडियमजवळ आज पहाटे चार वाजताच्या सुमारास मॉर्निंग वॉकसाठी आलेल्या एका नागरिकाच्या ई-बाईकला अचानक आग लागल्याची घटना घडली. या घटनेमुळे काही काळ परिसरात खळबळ उडाली, मात्र सुदैवाने कोणतीही जीवितहानी झाली नाही.
धूर निघताच सावधगिरीने गाडी सोडली
सदर इसमाने मॉर्निंग वॉक करत असताना आपल्या ई-बाईकमधून अचानक धूर निघताना पाहिला. प्रसंगावधान राखत त्याने तात्काळ गाडी बाजूला लावून ती सोडली. काही क्षणांतच गाडीने पेट घेतला आणि संपूर्ण बाईक जळून खाक झाली.
अग्निशामक विभागाची तत्परता
या आगीची माहिती मिळताच अग्निशामक विभागाचे पथक घटनास्थळी दाखल झाले. जवानांनी काही वेळातच आगीवर नियंत्रण मिळवले. मात्र तोपर्यंत गाडीचे संपूर्ण साहित्य जळून नष्ट झाले होते.
ई-बाईक आगीचे कारण अद्याप अस्पष्ट
ई-बाईकने अचानक पेट घेतल्याने तांत्रिक बिघाडाचा संशय व्यक्त करण्यात येत आहे. बॅटरी स्फोट किंवा शॉर्टसर्किटमुळे आग लागल्याची शक्यता वर्तवली जात असून अधिकृत कारणाचा तपास सुरू आहे.
.
