श्री तीर्थक्षेत्र वायगाव येथील गणपतीचे दर्शन घेऊन कॉंग्रेस उमेदवार यशोमती ठाकूर यांच्या प्रचाराला सुरुवात…

महाविकास आघाडीचे सरकार सत्तेवर आल्यास राज्यातील सर्व महिला सक्षम कशा होतील याकडे विशेष लक्ष दिले जाईल असे मत तिवसा विधानसभा मतदारसंघातील उमेदवार आमदार यशोमती ठाकूर यांनी व्यक्त केले. आज यशोमती ठाकूर यांनी श्रीक्षेत्र वायगाव येथील गणपतीचे दर्शन घेऊन आपल्या प्रचाराला सुरुवात केली त्यावेळी त्या पत्रकारांशी बोलत होत्या. वाढती महागाई,प्रचंड बेरोजगारी,महिलां सुरक्षा आणि शेतकर्‍यांच्या कापूस सोयाबीन पिकाला कमी भाव इत्यादी समस्या कडे महायुतीच्या सरकारने पाठ फिरवली आहे. त्यामुळे जनतेमधे प्रचंड नाराजी आहे महायुतीचा पराभव निश्चित असून महाविकास आघाडीचे सरकार सत्तेवर येणार असा विश्वास यशोमती ठाकूर यांनी व्यक्त केला.