ज्येष्ठत्व कार्यक्षम करून आनंददायी करण्यासाठी सातत्याने प्रयत्नरत-महायुतीच्या उमेदवार सौ.सुलभाताई खोडके

५नोव्हेंबर-शिक्षण हे फक्त पोट भरण्याचे साधन नाही,तर भावनांच्या संतुलनाचे आणि विवेकबुद्धीच्या जागरणाचेही ते साधन आहे. त्यामुळे हे शिक्षण हातासोबतच हृदय आणि मेंदूलाही बळकट करणारे असावे.हातामुळे रोजगार मिळेल,हृदयाने आपुलकी,प्रेम वाढेल आणि मेंदूने वैचारिक शक्ती उत्पन्न होईल.आणि असा समतोल साधण्यासाठी शालेय व महाविद्यालयीन विद्यार्थ्यांना आजच्या स्पर्धेच्या युगात दर्जेदार शिक्षण व कालानुरूप आवश्यक त्या अत्याधुनिक -सोयीसुविधा उपलब्ध करून देण्यासाठी आपण प्रयत्नशील आहोत.समाजात परस्परावलंबन असायला हवे,सहकार्य हवे व मूलभूत गरजांबाबत स्वावलंबी पद्धतीने जगण्यासाठी आवश्यक व्यक्तिगत कौशल्यांना वाव हवा.मनुष्यबळाची कार्यक्षमता किती प्रभावीपणे वापरली जाते,यावर शहराचे भविष्य अवलंबून असते. ज्यांच्यावर देशाचे भवितव्य ठरविण्याची जवाबदारी आहे त्या युवकांवर किती गुंतवणूक केली,यावर शहराचा शाश्वत व दीर्घकालीन विकास अवलंबून आहे.यादृष्टीने युवकांसाठी अनेक आशादायक योजना व प्रस्तावित योजनांची अंमलबजावणी प्रभावीपणे करण्यासाठी आपण कटिबद्ध आहोत.असे प्रतिपादन महायुतीच्या उमेदवार-सौ.सुलभाताई संजय खोडके यांनी व्यंकय्यापुरा-चिलमछावणी-समाधान नगर येथे जनसामान्यांशी संवाद साधताना केले.यासोबतच प्रत्येक घरात नळाद्वारे स्वच्छ पाण्याची उपलब्धता. दुसरे म्हणजे स्थानिक सरकारी शाळांची गुणवत्ता. तसेच सार्वजनिक वाहतुकीचा वापर.याखेरीज हवेची गुणवत्ता, कामगारांची उत्पादन क्षमता,आरोग्य स्थिती,ज्येष्ठांची देखभाल, वनक्षेत्र,उत्सर्जन कमी,जैवविविधता आदी निकष लक्षात घेऊन ह्या सेवा चांगल्या आणि गुणवत्तापूर्ण नियमित असण्यासह विश्वासार्ह सुध्दा असेल.अमरावती शहर विकसित होण्याच्या दृष्टीने शहराची वाटचाल गतिमान होण्यासाठी आपले या बाबींना सर्वतोपरी प्राधान्य आहे.या शब्दांत महायुतीच्या उमेदवार-सौ.सुलभाताई संजय खोडके यांनी मांगीलाल प्लॉट-टोपे नगर येथील स्थानिकांशी संवाद साधला.प्रभावी जनसंपर्क, सूक्ष्म नियोजन, अचूक व्यवस्थापन, या त्रिसूत्रीचा अवलंब करून आ.सौ.सुलभाताई खोडके यांची आशीर्वाद पदयात्रा शहरातील विविध ठिकाणी मार्गक्रमण करीत स्थानिक नागरिकांना बहुसंख्येने मतदान करण्यासाठी विनंतीपूर्ण आवाहन करीत आहे. यादरम्यान जनसामान्यांचे वाढते समर्थन,सामाजिक मूल्यांची बांधिलकी जपवणूक,सर्वांच्या विकासाला पोषक असे धोरण राबविण्याची इच्छाशक्ती, वैचारिकदृष्ट्या परिपक्व व निरक्षीरविवेक असणाऱ्या जनसामान्यांची अखंडितपणे लाभणारी साथ या बळावर सगळ्यांना सोबत घेऊन विकसित शहराचे स्वप्न साकारण्यासाठी नागरिकांनी येत्या २० नोव्हेंबर-२०२४ रोजी आपले अमूल्य मतदान करून नागरिकांच्या सेवेची संधी द्यावी.असे विनंतीपूर्ण आवाहनही या आशिर्वाद पदयात्रेतून महायुतीच्या उमेदवार-सौ.सुलभाताई संजय खोडकेंनी यावेळी राजमाता नगर-विदर्भ हौसिंग कॉलोनी-शास्त्री नगर येथील मतदात्यांना केले.उतारवयात खऱ्या अर्थाने ज्येष्ठांना गरज असते ते कुणीतरी त्यांची काळजी करणारे आसपास असण्याची.त्यांची विचारपूस करण्याची.उर्वरित आयुष्यात स्वतः पुरते आर्थिक स्वावलंबीत्व,आरोग्यदायी आणि गुणात्मक जीवन जगण्याची शाश्वती यासारख्या किमान गरजा पूर्ण व्हाव्यात,अशी अपेक्षा जर समाजातील ज्येष्ठांची असेल तर त्यात गैर ते काय ? उलट या ज्येष्ठांच्या अपेक्षा नसून ते त्यांचे हक्क आहेत.आदी बाबी लक्षात घेता ज्येष्ठत्व कार्यक्षम करून आनंददायी करण्यासाठी सकारात्मक दृष्टिकोनातून ज्येष्ठांकडे असणाऱ्या ज्ञान आणि कौशल्याचा उपयोग त्या-त्या क्षेत्रातील तरुणांना निश्चितच व्हावा याकरिता ज्येष्ठ नागरिकांसाठी असणाऱ्या कल्याणकारी योजनांची अंमलबजावणी करण्यासाठी व ज्येष्ठांचे हीत जोपासण्यासाठी आपण वचनबद्ध असल्याचे यावेळी महायुतीच्या उमेदवार-सौ.सुलभाताई खोडके यांनी पावणसकर ले-आऊट-टोपे नगर परिसर स्थितस्थानिकांशी हितगुज करताना सांगितले.या आशीर्वाद पदयात्रेत व्यंकय्यापुरा-चिलमछावणी-समाधान नगर-मांगीलाल प्लॉट-टोपे नगर-राजमाता नगर-विदर्भ हौसिंग कॉलोनी-शास्त्री नगर-म्हाडा कॉलोनी-पावणस्कर ले-आऊट येथील नागरिक मोठ्या संख्येने सहभागी झाले होते.यामुळे नागरिकांचा वाढता कल हा आ.सौ.सुलभाताई खोडके यांच्याकडे दिसून येत असल्याचे चित्र दिसून येत आहे.