डांबरी रस्त्याचे काम निकृष्ट दर्जाचे. गावकऱ्यांनी चक्क रस्ता हाताने उखडून दाखवत केला संताप व्यक्त
नांदेड जिल्ह्यातील हिमायतनगर तालुक्यातील बोरगडी रस्त्याचे काम सध्या सुरू असताना, त्याचा दर्जा अत्यंत निकृष्ट असल्याचे समोर आले आहे. या रस्त्याचा दर्जा उघड करण्यासाठी गावकऱ्यांनी रस्ता हाताने उखडून दाखवला. बोरगडी गावात सध्या डांबरी रस्त्याचे काम सुरू आहे, या रस्त्याची गुणवत्ता खूपच वाईट असल्याने गावकऱ्यांचा संताप उफाळला आहे. रस्ता हाताने उखडता येत असल्यामुळे, त्याच्या दर्जाबद्दल गावकऱ्यांनी तीव्र नाराजी व्यक्त केली आहे. गावकऱ्यांनी रस्ता उखडून गुत्तेदार आणि बांधकाम विभागाच्या अधिकाऱ्यांचा निषेध केला. गावकऱ्यांच्या म्हणण्यानुसार, रस्त्याचे काम निकृष्ट पद्धतीने करण्यात आले आहे, ज्यामुळे त्या रस्त्याचा उपयोग भविष्यात अवघड होईल. रस्त्याच्या दर्जावर प्रश्नचिन्ह निर्माण झाला आहे आणि त्यावर त्वरित उपाययोजना करावी, अशी मागणी गावकऱ्यांनी केली आहे.”
बोरगडी गावकऱ्यांचा आरोप आहे की, या रस्त्याचे काम लवकर पूर्ण करण्याच्या धडपडीत दर्जाची तडजोड केली गेली आहे. गावकऱ्यांनी त्वरित या समस्येवर लक्ष देण्याची मागणी प्रशासनाकडून केली आहे.
