अमरावतीकरांसाठी आनंदाची बातमी : लवकरच वंदे भारत ट्रेन मुंबई व पुण्यासाठी धावणार
विदर्भातील अमरावतीकरांसाठी मोठी आनंदाची बातमी आहे! आता मुंबई आणि पुण्यापर्यंतचा प्रवास वंदे भारत ट्रेनमुळे अधिक जलद आणि सुखकर होणार आहे. रेल्वे प्रशासनाने मुंबई-अमरावती आणि पुणे-अमरावती वंदे भारत ट्रेन सुरू करण्याचा महत्त्वाचा निर्णय घेतला आहे. यामुळे संपूर्ण विदर्भ आणि उत्तर महाराष्ट्रातील प्रवाशांचे स्वप्न लवकरच साकार होणार आहे.
राज्यातील वंदे भारत ट्रेन सध्या मुख्यत्वे मुंबईहून शिर्डी, सोलापूर, गोवा आणि कोल्हापूर या शहरांमध्ये धावतात. मात्र, आता या यादीत अमरावतीचा समावेश होणार असल्याने स्थानिकांमध्ये प्रचंड उत्साह आहे. अमरावती ते मुंबई आणि अमरावती ते पुणे असा जलद व सुखकर प्रवास लवकरच शक्य होणार आहे. रेल्वे प्रशासनाने या ट्रेनचे संभाव्य वेळापत्रक तयार केले असून स्थानिकांच्या मागणीनुसार अंतिम निर्णय घेतला जाईल.
विशेषतः विदर्भ आणि उत्तर महाराष्ट्रातील नागरिकांसाठी ही सुविधा अत्यंत लाभदायक ठरणार आहे. वंदे भारत ट्रेनमुळे वेळेची बचत होईल, प्रवास सुखकर होईल आणि प्रादेशिक कनेक्टिव्हिटी अधिक मजबूत होईल. तर अमरावतीकरांसाठी ही अत्यंत मोठी आनंदाची बातमी आहे. आता मुंबई आणि पुण्यापर्यंतचा प्रवास फक्त सुखदच नाही, तर जलदही होणार आहे. लवकरच वंदे भारत ट्रेन अमरावतीकरांसाठी हक्काची ठरेल.
