तमिळनाडूमधील जल्लीकट्टू कार्यक्रमात सात जणांचा मृत्यू, नागरिकांमध्ये चिंता

"तमिळनाडूमध्ये पोंगल सणाच्या निमित्ताने जल्लीकट्टू आणि मंजूविरट्टू यासारख्या परंपरागत खेळांचे आयोजन करण्यात येते. मात्र यंदा या खेळांमध्ये मोठी दुर्घटना घडली आहे. सात जणांचा मृत्यू आणि अनेक जखमी झाल्यामुळे संपूर्ण राज्यात खळबळ उडाली आहे. 
   तमिळनाडूमधील शिवगंगा जिल्ह्यात मंजूविरट्टू या परंपरागत कार्यक्रमादरम्यान मोठी दुर्घटना घडली. या कार्यक्रमात बैल मालकासह सात जणांचा मृत्यू झाला आहे, अशी माहिती पोलिसांनी दिली आहे.
  काणुम पोंगलच्या निमित्ताने जल्लीकट्टू आणि मंजूविरट्टू यांसारख्या कार्यक्रमांमध्ये प्रचंड गर्दी होते. यंदा देखील मोठ्या संख्येने लोक या कार्यक्रमात सहभागी झाले होते. मात्र, बैलांच्या अनियंत्रित हालचालींमुळे अनेक प्रेक्षक जखमी झाले. यामध्ये बैल मालक आणि त्याच्या बैलाचा मृत्यू झाल्याचे समोर आले आहे.
    शिवगंगा जिल्ह्यात झालेल्या या कार्यक्रमामध्ये प्रेक्षकांच्या सुरक्षेचा अभाव ठळकपणे समोर आला आहे. कार्यक्रमाचे आयोजन करताना सुरक्षा उपाययोजना करण्यात आल्या होत्या की नाही, याची चौकशी पोलिसांनी सुरू केली आहे.
  या घटनेमुळे तमिळनाडूमध्ये जल्लीकट्टू आणि मंजूविरट्टूसारख्या परंपरागत खेळांवर प्रश्नचिन्ह उपस्थित झाले आहे. या खेळांमध्ये जीवितहानी होऊ नये, यासाठी कडक नियमांची अंमलबजावणी होण्याची मागणी केली जात आहे.
   राज्य सरकारने या घटनेचा तपास करून पुढील घटना टाळण्यासाठी ठोस उपाययोजना करण्याचे आश्वासन दिले आहे.
    "जल्लीकट्टू आणि मंजूविरट्टू हे तमिळनाडूमधील परंपरेचे प्रतीक मानले जात असले, तरी नागरिकांच्या जीविताचा प्रश्न ऐरणीवर आला आहे. यासाठी सरकारने त्वरित पावले उचलण्याची गरज आहे. या घटनेतील पुढील घडामोडींसाठी पाहत रहा, आपला आवडता चॅनेल."