रहाटगाव चौकात गोवंश तस्करी करणाऱ्या वाहनाचा पाठलाग; वाहन चालक फरार

“सकाळी 7 वाजता अमरावतीच्या रहाटगाव चौकात खळबळजनक घटना घडली आहे. राजस्थानच्या नागरिकांनी गोवंश तस्करी करणाऱ्या वाहनाचा पाठलाग करत ते पकडले. या घटनेने परिसरात खळबळ उडवली असून, मोठी गर्दी जमा झाली आहे. पोलिसांनी तपासाला सुरुवात केली आहे.
“तिवसा येथून अमरावतीकडे येणाऱ्या एका टाटा एस वाहनाला रहाटगाव उड्डाणपुलाजवळ शुक्रवारी सकाळी 7 वाजता स्थानिक नागरिकांनी थांबवले. या वाहनाचा नंबर जाणून न येण्यासाठी नंबर प्लेट लपवण्यात आली होती. वाहनाची तपासणी केल्यानंतर त्यामध्ये एकावर एक अशा 14 गोवंश जनावरांचा अमानुषप्रकारे प्रवास सुरू असल्याचे उघड झाले. दुर्दैवाने, यातील तीन गोवंश मृत अवस्थेत आढळून आले.
स्थानिकांनी संताप व्यक्त करत वाहनावर हल्ला केला. मात्र, वाहन चालक या गोंधळात घटनास्थळावरून पळून गेला. घटनास्थळावर मोठी गर्दी जमली होती. नागरिकांनी गोरक्षणासाठी मोठ्या प्रमाणात आक्रोश व्यक्त केला.
घटनेची माहिती मिळताच नांदगाव पेठ पोलीस घटनास्थळी दाखल झाले. पोलिसांनी उर्वरित गोवंश गोरक्षण केंद्रात पाठवण्याची व्यवस्था केली. तसेच, वाहन चालकाविरोधात गुन्हा नोंदवण्याची प्रक्रिया सुरू केली आहे.