जत्रेसाठी आजोबांच्या गावी जाताना काळाचा घाला, आई-बापांच्या कुशीतच चिमुकल्यांनी जीव सोडला
केव्हा केव्हा काळ फारच निष्ठुर बनतो. एका आनंदी कुटुंबावर काळाने कहर केला. दुचाकीने आजोबांच्या गावी जात असतांना, एका कारचालकाने दुचाकीला धडक दिली. या अपघातात कुटुंबातील लहान मुलाचा घटनास्थळीच मृत्यू झाला. दुसरा मुलगा व आईवडिल गंभीररित्या जखमी झालेत. उपचारादरम्यान दुस-या मुलाचा मृत्यू झाल्याची वार्ता कुटुंबाना मिळाली अन, आसवांचा पूर वाहू लागला.हि वेदनादाई घटना चंद्रपुर जिल्हातील गोंडपिपरी-धाबा मार्गावर चेकसोमनपल्लीजवळ घडली.याप्रकरणी आता पोलीसांनी तपास सुरू केला आहे. या दुर्देवी घटनेमुळे घडोलीसह संपूर्ण जिल्हात शोककळा पसरली आहे.
प्राप्त माहिती नुसार,सुधीर धरी (36) हे गोंडपिपरी तालुक्यातील घडोली येथील रहिवासी आहेत. शेती करून ते आपल्या कुटुंबाचा उदरनिर्वाह करतात. शिवानी चौधरी (30) हि त्यांची पत्नी असून धिरज चौधरी (5) व विरज चौधरी (2) अशी त्यांना दोन मुलं होती. सुधीर चौधरी यांची सासुरवाडी ही गोंडपिपरी तालुक्यातील कुडेनांदगाव येथे आहे. सुधीर धरी हे, धाबा येथे दरवर्षी भरणाऱ्या यात्रेनिमित्त गेल्यावर कुटुंबियांची भेटही होईल. अन, मुलांना यात्राही दाखविता येईल या हेतूने आपल्या बाईकने घडोलीवरून कुडेनांदगावकडे निघाले होते. दरम्यान चेकसोमनपल्लीजवळ पोहचताच समोरून येणा-या कारने त्यांच्या बाईकला धडक दिली. यावेळी गंभीर अपघात होऊन चौघेही खाली कोसळले.
अपघाताची माहिती कळताच डाॅ.किशोर पेंढारकर हे एम्ब्यूलन्स घेउन घटनास्थळावर तातडीने पोहचले. यावेळी तपासणी केली असता विरज चौधरी याचा मृत्यू झाला होता. यावेळी घटनेचे गांभीर्य लक्षात घेता, तिघांनाही उपचारासाठी चंद्रपूरला हळविण्यात आले. वडील सुधीर चौधरी व आई शिवानी चौधरी हे गंभीर जखमी झाले होते. त्यांचे दोन्ही पाय तुटले असून डोक्यालाही गंभीर इजा झाल्याने ते बेशूध्द झाले. याचवेळी धिरज चौधरी याची गंभीर अवस्था लक्षात घेता त्याला नागपूरला रेफर करण्यात आले. पण प्रवासादरम्यान त्याचाही मृत्यू झाला. आईवडिल बेशुध्द असल्याने त्यांना या प्रकाराची माहितीच नाही.
या प्रकरणी पोलीस विभाग तपास करीत आहे. ज्या कारने अपघात झाला ती कार किरमीरी येथील आश्रमशाळेतील शिक्षकाची होती. तो शिक्षक स्वतः वाहन चालवित होता, अशी चर्चा आहे.अपघातात दोन सख्ख्या चिमुकल्या भावंडाचा मृत्यू अनं आईवडिल मृत्यूशय्येवर असल्याने आता घडोली गावासह संपूर्ण परिसरात शोकाचे वातावरण आहे.
