नागपूर :- नागपूरकरांसाठी एक अनोखा आणि ऐतिहासिक क्षण! शहरात क्लासिक व्हेहिकल्सची भव्य प्रदर्शनी आयोजित करण्यात आली आहे. सन 1911 पासून आजपर्यंतच्या दुर्मीळ आणि ऐतिहासिक वाहनांचा थरार या प्रदर्शनीमध्ये पाहायला मिळत आहे. या प्रदर्शनात महायुद्ध काळातील सैन्य वाहने, जुनी बसेस, बाईक्स आणि अनेक ऐतिहासिक गाड्यांचा समावेश आहे. याचे उद्घाटन नागपूर शहराचे पोलीस आयुक्त डॉ. सिंगल यांच्या हस्ते करण्यात आले. चला, पाहूया या प्रदर्शनीचा विशेष रिपोर्ट!
नागपूर शहरात इतिहास जिवंत करणारी अनोखी क्लासिक व्हेहिकल्स प्रदर्शनी भरवण्यात आली आहे. जुन्या काळातील अत्यंत दुर्मीळ आणि सांस्कृतिकदृष्ट्या मौल्यवान अशा वाहनांचा यात समावेश आहे. सन 1911 पासून सुरू झालेल्या वाहनांच्या प्रवासाचा थरार येथे पाहायला मिळत आहे.
या प्रदर्शनीत जगातील प्रसिद्ध क्लासिक कार्स आणि बाइक्स ठेवण्यात आल्या आहेत. यामध्ये ब्रिटिश कालखंडातील गाड्या, जुन्या भारतीय बसेस, तसेच महायुद्धात वापरण्यात आलेली सैन्य वाहनेही समाविष्ट आहेत.
याचे उद्घाटन नागपूर शहराचे पोलीस आयुक्त डॉ. सिंगल यांच्या हस्ते करण्यात आले. त्यांनी प्रत्येक वाहनाची बारकाईने पाहणी केली आणि या ऐतिहासिक प्रदर्शनाबाबत समाधान व्यक्त केले.या प्रदर्शनीचे खास आकर्षण म्हणजे महायुद्ध काळातील सैन्य वाहने! टँक्स, जुनी लष्करी जीप्स, तसेच याकाळातील दुर्मीळ बाइक्स या प्रदर्शनात पाहायला मिळत आहेत.प्रदर्शनात लहान मुलांचाही मोठा सहभाग दिसून आला. मुलांना या वाहनांबद्दल माहिती देण्यात आली, त्यांचा ऐतिहासिक वारसा समजावून सांगण्यात आला. गेल्या 100 वर्षांत वाहन क्षेत्रात झालेले बदल पाहून नागरिक आश्चर्यचकित झाले आहेत!
तर, जुन्या वाहनांचा हा थरार तुम्ही अनुभवला का? नागपूरकरांसाठी हे प्रदर्शन म्हणजे इतिहासाच्या पानांमध्ये डोकावण्याची संधी आहे. अशा अनोख्या प्रदर्शनामुळे नागरिकांना तंत्रज्ञानाच्या प्रगतीचा प्रवास अनुभवता येतो. प्रदर्शनाची तारीख ठरवून नक्की भेट द्या! अशाच आणखी रोमांचक आणि माहितीपूर्ण बातम्यांसाठी राहा आमच्यासोबत!
